Шығыс Қазақстан облысының тәртіп сақшылары «Қауіпсіз жол» шарасының аясында квадрокоптер қолданды. Жолды бақылау үшін қанша техниканы көкке ұшырғанын айтпағанмен, полицейлер 14 шілде күні 13:40-та дрон Өскемен — Алтай тас жолының 58-шақырымында жол ережесін бұзған жүргізушіні анықтағанын хабарлады.
Квадрокоптер 35 жастағы УАЗ рөліндегі азаматтың қарсы бетке шығып, КАМАЗ-ды басып озғанын видеоға түсіріпті. Бейнежазба негізінде уазик жүргізушісінің атына Әкімшілік кодекстің 596-бабы, 3-бөлігі бойынша хаттама толтырылды. Енді ол алты ай көлік тізгіндей алмайды.
Биыл көктемде Алматы облысының полицейлері де пилотсыз техниканы сынақтан өткізді. Бірнеше сағатта полиция 359 жүргізушіге айыппұл салды. Ал бір жыл бұрын қатаң карантин кезінде квадрокоптер жабық қаладан облыс аумағына өтпек болған азаматтардың жолын кесті.
Комментариев: 0