1 шілдеден бастап кикшеринг компаниялары жалға берілетін барлық электросамокатқа нөмір тағуға міндетті және сақтандыру полисін рәсімдеуі керек. Бұл талап жеке меншік электросамокатқа қолданылмайды.
12 шілдеден бастап жол ережесіне
«Электрлі самокат жүргізушісі велосипед жолағын пайдалануға тиіс. Мұндай жолақ болмаса, ол:
- жолдың оң жағымен, сондай-ақ қоғамдық көлікке арналған жолақпен бір қатарда;
- жол жиегімен;
- жаяу жүргіншілерге қауіп төндірмей, тротуар немесе жаяу жүргіншілер жолымен 6 км/сағ-тан аспайтын жылдамдықпен қозғалуға міндетті».
18 жасқа толмаған, кез келген категориядағы жүргізуші куәлігі немесе уақытша куәлігі жоқ самокатшы жолдың оң жақ шетімен, соның ішінде қоғамдық көлікке арналған жолақпен жүре алмайды. Бұл талап Қазақстан Республикасында берілген жеке басты куәландыратын құжаты бар азаматқа қолданылмайды.
Билік биыл жаздың аяғында «Жол жүрісі туралы» заңнан электросамокаттың тротуар мен жаяу жүргінші жолымен қозғалуға рұқсат беретін норманы алып тастайды. Кейін бұл өзгеріс Жол ережесіне енеді. Бірақ самокатқа толық тыйым салмайды. Оның орнына жергілікті әкімдіктер белгілі бір аймақта электросамокатпен қозғалуға рұқсат беру немесе тыйым салу құқығын алады.
2025 жылғы сәуірден бастап электросамокат тізгіндегендерге:
- рөлді кем дегенде бір қолмен ұстамай жүргізуге;
- жолаушы тасуға;
- жүк тасуға (ұзындығы мен ені 50 сантиметрден аспайтын, алып жүргенде қиындық тудырмайтын жүкті қоспағанда);
- трамвай жолы бар және бір бағыттағы жолақ саны бірден көп жолда солға немесе кері бұрылуға;
- электросамокат сүйреуге, электросамокатты тартқыш ретінде пайдалануға;
- көліктен түспей, жаяу жүргіншілер өткелімен жолды кесіп өтуге;
- қараңғы уақытта өзге көлік жүргізушісіне көрінетін жарық шағылыстырғыш тақпай жолға шығуға;
- жол бойында шлемсіз жүруге тыйым салынды.
Комментариев: 0