Жуырда ҚР президенті тиісті жарлыққа қол қойды. Құжатта «бюджет қаржысын тиімді пайдалану және үнемдеу мақсатында:
Орталық атқарушы органдар мен оларға бағынышты ведомстволық мемлекеттік мекемелер, Қазақстан Республикасы президентіне тікелей бағынатын және есеп беруге міндетті мемлекеттік органдар мен оларға бағынышты мемлекеттік мекемелер, жергілікті атқарушы органдар мен оларға бағынышты мемлекеттік мекемелерге 3 жыл бойы:
- базалық жиынтығында қозғалтқыш көлемі 2 000 текше сантиметрден жоғары , сонымен қатар, Еуразиялық экономикалық одаққа кірмейтін елдерде шығарылған жеңіл автокөліктерді алуға;
- Еуразиялық экономикалық одаққа кірмейтін елдерде шығарылған арнайы және жедел-қызметтік (жеңіл көлік базасындағы) көлік құралдарын алуға тыйым салынады», — деп жазылған.
Жоғарыда аталған шектеулердің ҚР президенті мен Елбасы, премьер-министр, парламент палаталары төрағаларының қызметін қамтамасыз ету және олардың қатысуымен өтетін ресми шараларды ұйымдастыру қызметіне қатысы жоқ.
Қазақстанда мұның шенділерге импорттық және мәртебелі көліктерді алуға салынып отырған алғашқы тыйым еместігін айта кеткен жөн.
Комментариев: 0