26 қаңтар күні өткен кеңейтілген үкімет отырысында Қазақстан президенті Қасым-Жомарт Тоқаев орталық орган басшыларының автопаркі жайлы сөз қозғады.
Мемлекет басшысының айтуынша, бір қызметтік көлік үшін бюджеттен жылына 6 млн теңге жұмсалады. Үлкен паркке балама ретінде Тоқаев жеке қызметтік машина бергенше шығынды ақшалай өтеуді ұсынды. Бірнеше елде қолданылатын бұл тәжірибе біздің елге таңсық емес. Мұндай әдіспен «Самұрық-Қазына» қорының шығынын 1.5 млрд теңгеге азайту мүмкін болды.
Қасым-Жомарт Тоқаев үкіметке ҚР Президенті іс басқармасымен бірлесе отырып аталған мәселені шешуді және мемлекеттік орган басшыларын қызметтік көлікпен қамтамасыз ету схемасын өзгерту бойынша ұсыныстар әзірлеуді тапсырды.
Комментариев: 0