Shelby-дің суперпикабы Kolesa.kz-те сатылады

Kolesa.kz порталында Ford F-150 пикабының шектеулі әрі қуатты нұсқасы сатылымға шықты. Shelby мамандары машинаны толық бітіріп, оған Shelby F-150 Super Snake деген жаңа атау берді.

Бұл түрленімді компания қалың көпшілікке 2021 жылы жазда таныстырған. Super Snake Whipple жетекті компрессорымен бірге 786 ат күшін беретін 5 литрлік V8 Coyote моторымен жүреді. Агрегат пикаптың 3.5 секунда 60 мильді (97 км/сағ) еңсеруіне мүмкіндік береді, 100 мильді (160 км/сағ) небәрі 8.3 секундта бағындырады. Күштік құрылым тюнингінен бөлек, Shelby инженерлері аспаны өзгертіп, FOX койловерін, көлденең орнықтылық стабилизаторын және жақсарған бойлық тартқыш орнатты.

1 / 9

• 
• 
• 
• 
• 
• 
• 
• 
• 

1 / 9

Көлік тежегіші әлдеқайда өнімді болды. Экстерьер мен интерьерді де компания назардан тыс қалдырмады. Сырттағы жаңа бастырық, 22 дюймдік дискілер мен брендке тән екі жолақты бояу әдісі көлікке жаңа өң беріп тұрғандай. Салон Shelby логотипі бар қымбат былғарымен қапталған.

Алматыда тұрған 2022 жылғы Super Snake-тің реттік нөмірі – 143. Ателье төрт есікті 300 пикап, атауында Sport қосымшасы бар тура сонша екі есікті темір тұлпар дайындаған. Көлік одометрі 2000 шақырым көрсетіп тұр, ал бағасы — 95 млн теңге. Машинаның компрессорлы мотормен жабдықталған нұсқасы 2021 жылы Америкада 113 680 долларға (50.7 млн теңгеге) бағаланған.