Өткен аптада модернизацияланған гольф-классты корейлік седанның бірден екі түрлі — америкалық және өз нарығына арналған орындауы жарыққа шықты. Шынында, автокөлік сол түрінде Қазақстанға да келеді.
Сырттай қарағанда екі үлгі де ұқсас, әрі сутекті Hyundai Nexo паркетнигінің тұрпатынан шабыт алған жаңа «үшбұрышты» дизайнда жасалған. Өзгешеліктер де жоқ емес, бірақ олар ішкі құрылымына қатысты.
Сонымен, «корейлік» Avante — Elantra 123 ат күшіне ие, 1.6 литрлік жаңа атмосфералық бензинді Smart Stream бастапқы моторына ие болды. Бізге бұл мотор соңғы Kia Cerato арқылы таныс. Оған 204 күшке ие топтық 1.6 T-GDi турбиналы агрегаты, 136 арғымағы бар Smart Stream дизелі мен сұйылтылған газдағы 120 күшті мотор қосақталған. Беріліс қораптарының үш түрінен таңдау жасауға болады: не 6 сатылы механика (барлық нұсқалары үшін), не 6 диапазонды автомат (атмосфералық мотор мен газбен жұмыс істейтін мотор үшін), немесе 7 диапазонды робот (дизель мен турбомотор үшін).
«Америкалық» Elantra-ның моторлық қатары керісінше, бұрынғы қалпында қалған. Бұл 149 арғымаққа ие екі литрлік атмосфералық агрегат пен 130 және 204 ат күшін беретін екі (1.4 и 1.6) турбомотор. Жоғарыда аталған қораптардың барлығы, яғни, механика, автомат пен робот та олармен жұптаса жұмыс жасайды.
«Элантра» шамасы, үлестірілген бүрку мен 128 ат күшіне ие 1.6 Gamma жалғыз моторын сақтап қалатын шығар. Қазіргі қолданыста жүрген Elantra сияқты, жаңартылған көлік те Қостанайда құрастырылатын болады.
Сонымен қатар, 2019 модельдік жылдағы Hyundai Elantra жаңа рөлге, аспаптар панелі мен үрлеу дефлекторына ие болады, ал микроклимат пен аудиожүйені басқару блоктары тексерістен өткен. Навигациялы және Android Auto мен Apple CarPlay мүмкіндіктеріне ие мультимедиалық кешен анағұрлым өнімді процессормен жабдықталған. Жүргізушінің электронды көмекшілерінің тізімінде артқы жақта келе жатқан көлік таяғанда есік құлыптарын бұғаттайтын жаңа Safe Exit Assist жүйесі пайда болды. Артқы көрініске арналған камера, енді стандартты жиынтыққа кіреді. Автокөлікке галогенді шамдар орнатылған, қосымша ақы төлеп, жарықдиодты (бұрын — ксенонды) шамдарға қол жеткізе аласыз.
Автокөліктің сатылымы күзде басталады, осы ретте бағалардың бұрынғы деңгейде сақталатыны да хабарланды. «Элантра» қымбаттай алмайды да, себебі бензині арзан Штаттарда, шағын литражды көліктерге сұраныс тым төмендеп барады. 2015 жылы ол жақта 241 706 «элантра» сатып алынған болса, 2017 жылы — көліктің небәрі 198 210 данасы сатылған. Үлгінің «үшбұрышты» дизайны сұранысты арттыра алар ма екен — бұл басы ашық сұрақ.
Комментариев: 0