2021 жылы сәуірде дилерлер 9 195 жеңіл және коммерциялық машина, 843 жүк көлігі мен автобус сатты. Барлығы — 10 038 дана. Бұл наурыздағы нәтижеден 20 %-ға артық.
Жыл басынан бері 34 199 автомобиль иесін тапты. Бұл 2020 жылмен салыстырғанда 79.7 %-ға жоғары көрсеткіш. Өткен шолуда айқанымыздай, мұндай өсім былтыр өте аз машина сатылғандықтан тіркеліп отыр. 2020 жылы коронавирусқа байланысты автонарық тоқырауға ұшырағаны бәрімізге белгілі.
2021 жылы сәуірде Chevrolet көліктері ең көп сатылды. Қостанайда құрастырылған 2652 машина өтті. Екінші орынға Hyundai (2302) орналасқан, ал үздік үштікті Toyota (1233) түйіндеп тұр. Төртінші және бесінші орынға Kia мен Volkswagen жайғасты.
Алғашқы бестікте өзгеріс болмағанымен, одан кейінгі орындарда жағдай басқаша. Lada мен Renault көліктері Nissan-ды алтыншы орыннан ығыстырды. Сәуірде жапониялық бренд сегізінші сатыға сырғыды.
2021 жылғы сәуір қорытындысы бойынша жаңа көліктер нарығындағы үздік 10 марка
| Орын | Марка | 2021 жылғы сәуірдегі сатылым (дана) |
| 1 | Chevrolet | 2652 |
| 2 | Hyundai | 2302 |
| 3 | Toyota | 1233 |
| 4 | Kia | 761 |
| 5 | Volkswagen | 407 |
| 6 | Lada | 403 |
| 7 | Renault | 308 |
| 8 | Nissan | 274 |
| 9 | Lexus | 178 |
| 10 | JAC | 151 |
Модельдер арасында да үздіктер өзгерген жоқ. Chevrolet Cobalt (1355) көш бастап, Chevrolet Nexia (1003) екінші орынды ешкімге бермеді. Ал Hyundai Accent (986) үздік үштікте қалды. Бірақ төртінші орын иегері таңғалдырды. Бір ай бұрын үздік ондыққа да енбеген жаңа Hyundai Santa Fe сәуірде үздіктер қатарынан көрінді.
Toyota Camry-дің бесінші орыннан айырылғанын да айта кеткен жөн. Kia Rio одан озып кетті. Бірақ осы айда жаңарған нұсқасы келген соң ел азаматтарының сүйікті машинасы үздіктер қатарына қайта қосылатын шығар.
Комментариев: 0