Өткен аптада Сауд Арабиясында Ceer брендінің тұсаукесері өтті. Алғашқы көліктер 2025 жылы сатыла бастайды.
Арабтар техниканы жалғыз жасамайтыны анық. Ceer маркасына иелік ететін компания мемлекеттік инвестиция қоры мен электроника өндіретін Foxconn-ның бірлесіп ашқан кәсіпорны. Foxconn электромобиль саласындағы білім-білігін пайдаланып, модульді платформа әзірлейді. Айтпақшы, бұл өндірушінің Foxtron деген өз маркасы бар. Сонымен қатар Сауд Арабиясы BMW-мен технология бөлісу туралы келісімге қол қойды.
Ceer модель гаммасында Таяу Шығыс тұрғындарының қажетіне жарайтын жақсы жабдықталған седандар мен жол талғамайтын көліктер болады. Жоспар бойынша бұл жоба елге 150 млн инвестиция тартуға сеп болып, 30 мыңға жуық жұмыс орнын ашуға мүмкіндік береді.
Комментариев: 0