Әлемдегі ірі электроника өндірушілердің бірі Foxconn былтыр Yulon Motor компаниясымен бірге автоөндіріс саласына аяқ басып, бірнеше электромобиль прототипін көрсеткен. Оның ішінде атауы Tesla-ға ұқсас Model C кроссовері мен Model E седаны бар. Машина дизайнын Pininfarina ательесі жасады.
Бір жылдан кейін олар тағы бір прототипті көрсетпекші.
Model B көлігінің техникалық жағы туралы қазірше ақпарат жоқ. Машина бір немесе екі электромоторы болатын MIH модульдік платформасына негізделеді. Жаңа өнім туралы толық мәлімет 18 қазанда өтетін Hon Hai Tech Day шарасында белгілі болады.
2021 жылы көрсетілген прототиптер арасында қазірше Model C кроссовері ғана конвейерге тұрды. Ол өз елінде осы айда сатылымға шығады. Сериялы нұсқасы Luxgen N7 деп аталады.
Комментариев: 0