Қылмыстық топтың басында жоспар құрып, арнайы адам табумен айналысқан К. есімді азамат тұрған. Алаяқтар сақтандыру компаниясына жүгініп, жалған жол апатына қатысты құжаттар тапсырады. Кейін «зардап шеккендердің» туыстарының шотына сақтандыру төлемдері түседі. Оны қылмыскерлер әр қаладағы банктерден ақшалай алып кетіп жүрген.
Алдын ала мәлімет бойынша мегаполисте кәсібін дөңгелеткен алаяқтар екі жыл ішінде 8.5 миллион теңге пайда тауыпты. Тәртіп сақшылары топтың соған ұқсас өзге заңсыз істерге қатысы бар-жоғын анықтап жатыр. Қылмыстық кодекстің 190-бабы, 4-бөлігі бойынша сотқа дейінгі тергеу басталды. Күдіктілердің қылмысы дәлелденсе, мүлкі тәркіленіп, 10 жылға дейін бас бостандығынан айырылуы мүмкін.
Комментариев: 0