Цифрлық даму, инновациялар және аэроғарыш өнеркәсібі министрлігі ІІМ-мен бірге автомобиль тіркеу ережесіне енетін түзету жобасын дайындады. Құжатта көлікті алғашқы тіркеу шарасын пилоттық режимде толығымен онлайн форматқа ауыстыру туралы жазылған, ол eGov.kz арқылы жүзеге асады. Жоба авторлары бұл техниканы есепке қою мерзімін қысқартып, сауда процесін анағұрлым ыңғайлы етеді деп санайды.
Сонда көлік иесі автосалонда отырып-ақ техпаспорт рәсімдеп, мемлекеттік нөмір алады. Бұған қатысты толық мәлімет жоқ, бірақ машина сататын орындарға автомобильдің тіркеу куәлігін беретін құрылғы орнататын сияқты. Салонға порталдан бірден таңдап алуға болатын нөмір қоры да берілуі мүмкін.
Жоспар бойынша пилоттық жоба келер жылы 31 тамызда іске қосылады.
Комментариев: 0