Көлік иелерінің шағымы мен ProDrive деген блогердің зерттеуіне сүйенген «Российская газета» Калининградтағы «Автотор» зауыты құрастырған Kia K5 шанағында коррозия пайда болған жағдайлардың көбейгенін жазды. Дақтар көбіне жүксалғыштың жоғарғы ернеуінен байқалады екен. Айта кетерлігі, металл зауытта шіри бастайды. Аса қырағы жүргізушілер артқы шамның қуысын да тот басқанын көрген.
Дилерлік орталық қызметкерлері кемшілікті жасырмай, бұған жүк салатын бөлімнің нығыздағышында жиналып қалған ылғал мен кір себеп болған деп түсіндіреді.
KIA-ның Ресейдегі ресми кеңсесінің өкілдері бейнематериалды көрген соң ішкі тексеріс жүргізіп, жаңа көлікті тот басуына не себеп болғанын анықтайтындарын айтты. «Автотор» зауытының шанақ бояумен айналыспайтынын және K5-ті Оңтүстік Кореядан жеткізілетін бөліктерден құрастыратынын ескерсек, шағым темір тұлпардың отанына бағытталатын сияқты.
Комментариев: 0