Жаңа жылдан бастап жүргізушілер үшін полисті алып жүрудің керегі болмайды, себебі автокөліктің сақтандырылғанын тәртіп сақшылары деректер базасы бойынша тексере бастайды екен. Ал егер ғаламтор арқылы аталған базаға кіру мүмкіндігі болмаса, полиция қызметкерлері телефон арқылы кезекші бөлімге хабарласып, сақтандыру жайлы ақпарат ала алады. Ал ел азаматтарынан қағаз сақтандыруды талап етуге тыйым салынған оларға.
Бұған қатысты өзгерістер ҚР Жол қозғалысы ережелері мен оған қосымша — Көлік құралдарын пайдалануға рұқсат беру жөніндегі негізгі ережелерге үкіметтің арнайы қаулысымен енгізілген. «Жүргізушілердің жалпы міндеттері» бөлімінен жүргізушілерден заңнамада белгіленген жағдайларда көлік құралдары иелерінің азаматтық-құқықтық жауапкершілігін міндетті сақтандыру жөніндегі сақтандыру полисін және (немесе) тасымалдаушының жолаушылар алдындағы азаматтық-құқықтық жауапкершілігін міндетті сақтандыру жөніндегі сақтандыру полисін өзімен алып жүріп, полиция қызметкерлерінің талабы бойынша көрсетуге міндеттейтін норманың күші жойылды.
Ал негізгі ережелердегі сақтандыру полисінсіз жүруге тыйым салатын тармақ толықтырылды: «Көлік иелерінің жауапкершілігін міндетті сақтандыру шартын және (немесе) тасымалдаушының жолаушылар алдындағы жауапкершілігін міндетті сақтандыру шартын жасағандығы уәкілетті тұлғалардың сақтандыруы бойынша бірыңғай деректер базасынан мәліметті сұрату арқылы расталады».
Өзгерістер 2019 жылдың 1 қаңтарынан бастап күшіне енеді.
Сақтандыру полисінсіз көлік басқарғаны үшін тағайындалатын жаза да Әкімшілік кодекстен алынды. Бұл жаңалық та 1 қаңтардан бастап күшіне енбек.
дурыс косылам
Сонда біз бұны цонға барып тіркеймізба ? н/е департамент өздері тіркейме??? Ал егер сақтандыруым 4 жылға алынса қалай болады?? Нақты жауап берсеңіз!
Толық ақпарат алғыңыз келсе 87026494485