Роман Русиновтың «жаңарған Марусясы»

Танымал шабандоз Роман Русинов қолға алған айрықша жобаның шынайы екенін растайтын бірнеше сурет тарады. Кезінде «Ле-Манға» қатысқан спортшы жаңа суперкар дайындап жатыр. Прототип фотосы «ВКонтакте» желісіндегі RCI News парақшасында жарияланды.

Жазба авторы жаңа машина Marussia B1-ді еске салады деп жазыпты. Орта тұсы мен алдындағы сызықтар ұқсайды. Бірақ Rossa-ның басқа бөліктері өзгеше.

Фотодағы автомобиль патенттік суреттен де ерек екенін айта кеткен жөн. Машинаға бірегей оптика, артқы қанат және бірнеше ірі ауа тартқыш орнатқан.

Фотодан патенттегі «арқа қанат» пен үлкен антиқанатты байқауға болады. Шанағы карбоннан жасалған, ал мотор тұратын жерге V тәрізді қозғалтқыш қойыпты.

Жобаның техникасына қатысты мәлімет жоқ. Бірді-екілі ақпарға сүйенсек, суперкар құрастыруға Marussia Motors-тың бұрынғы конструкторы Игорь Ермилин атсалысып жатыр екен. Ал Роман Русинов Rossa сауда белгісін тіркеген.