Ресей отандық спорткар өндірісін қайта қолға алды. Автомобиль құрылысына бұрын Marussia Motors-та бас конструктор болған Игорь Ермилин де үлес қосады. Бұл ақпарат «Автопоток» телеграм-арнасында жарияланды.
Жоба нақты қай кезеңде екені белгісіз, бірақ мәліметтерге сүйенсек, жаңа көліктің атауы белгілі және дизайнерлік макеті дайын болыпты.
Болжам бойынша марка Rossa деп аталады. G-Drive Racing командасының құрамында төзімділікті сынайтын жарыстарға қатысып жүрген Роман Русинов автомобильдер мен өзге көлік құралдарына арналған тауар белгісін тіркеді.
Қозғалтқышы орташа, көлемі Marussia B1-мен шамалас спорткардың өнеркәсіптік үлгісінің куәлігі де Русиновтың атына жазылған.
Комментариев: 0