Өткен демалыс күндері Пеббл-Бичте өткен автомобиль апталығында Rolls-Royce Coachbuild бөлімі сирек кездесетін Rolls-Royce Droptail родстерін таныстырды. Зауыт ерекше әрленген небәрі төрт машина шығарады. La Rose Noire аталатын экземпляр Франциядан шыққан отбасындағы әйел адам ұнатқан Black Baccara атауымен танылған қара раушан гүлінен шабыт алған.
Екі адам сыятын 5.3 метрлік Rolls-Royce-тың бұрынғы эксклюзив модельдерден (Sweptail (2017 ж.) мен Boat Tail (2021 ж.) айырмашылығы — сериялық Cullinan, Ghost және Phantom сияқты Architecture of Luxury платформасын қолданбайды. Себебі Droptail болат, алюминий және карбоннан жасалған жаңа монококқа негізделген. Автомобиль 593 ат күші мен 840 Нм момент беретін 6.75 литрлік қосарлы турбоүрлемді V12-мен жүреді. Алғашқы жүздікті 5 секундтан аз уақытта алады, ал ең жоғары жылдамдығы — 250 км/сағ.
Шанақ реңкі қызыл True Love бояуы мен күңгірт Mystery түсінің қосындысынан жасалған. Қай бұрыштан келгеніңе қарай көлік әлгі раушан секілді құбылады. Арнайы электрит хромдау арқасында Hydroshade деп аталатын жылтыр қара реңк пайда болды. Родстердің жиналмалы шатыры әйнектің жарық өткізу деңгейін өзгертетін көміртек талшығынан жасалған.
Салонды әрлеу кезінде материал мен орындау шеберлігі басты назарда болды. Төгілген гүл күлтесі тәріздес өрнекті панно жасаудың өзіне шеберлер бір жыл уақыт жұмсаған. Франциядан әкелген 1603 қара шынар ағашын қолмен өңдеп, орнатыпты. Дәстүрден жаңылмаған өндіруші Champagne de Lossy шампан шарабына арналған салқындатқыш контейнер мен табақша қойыпты.
Тапсырыс бергенде Audemars Piguet хронометрі туралы сөз қозғалған. Автоматты бұралатын құлағы бар Royal Oak Concept Split-Seconds Chronograph GMT Large Date сағаты аспаптар панелінде электр жетекті бекіткішпен тұр. Сағатты иесі қолына тақса, аспаптар панеліндегі қуыс раушан түріндегі монетамен толығады.
Rolls-Royce Droptail La Rose Noire-дың бағасы белгісіз. Баспасөзде шамамен 20–28 млн доллар деген баға айтылып жүр.
Комментариев: 0