1967 жылдың сәуірінде Sgt. Pepper’s Lonely Hearts Club Band альбомын жазып бітіретін кезде Леннон Суррей графтығындағы JP Fallon ательесіне жүгініп, «Фантомына» жаңа реңк беруді өтінеді. Бір айдан кейін аяқталған жұмыстың нәтижесі көпшілікті шошытқанымен, Леннон таңғалған жоқ. Бұл автокөлікпен топ мүшелері Британ империясы орденінің кавалері атағын алуға барды, ал бір-екі жылдан кейін Леннон боялған Rolls-Royce-ымен Букингем сарайына Вьетнамдағы соғысқа наразылық шарасы ретінде орденнен бас тарту үшін оралды.
Қанша оғаш көрінсе де, аристократтық лимузиннің хиппи кейпі ұсақ-түйегіне дейін ойластырылған және Леннонның бүлікшілік мінезін көрсетеді. Сол себепті де автокөлік әйгілі музыканттың шығармашылығының да жәдігері іспетті. Жарты ғасыр өткеннен кейін Нью-Йоркте тұратын Брэдли Теодор есімді көше суретшісі клиентінің сұрауымен Rolls-Royce Phantom-ды бояды.
Сол уақытта Майамилік тюнинг жасаушылар Алекс Монополи деген көше суретшісімен Art Basel фестиваліне арналған McLaren 720S арт-объектісін жасау мақсатында бірікті. Мұндағы сурет кеңестік дәуірдегі үгіт плакаттарын еске салады.
Бізге қалғаны бояудың жеңіл өшетініе үміттену ғана, әйтпесе мұндай шығармашылықтың коллекция жинаушыларды қызықтыруы екіталай, ал темір тұлпарды мұндай күйде сату көлік бағасына оң әсер етпесі анық.
Айтпақшы, біздің Қазақстанда аэрография 2013 жылдан бері заңсыз болып саналады. Ол кезде полицейлер мен депутаттар сурет салынған көліктердің басқа жолаушылардың ойын бөліп, жол апатына себепкер болуы мүмкін екендігін айтқан еді. Бұл шектеу төрт жыл бойы күшін жоймады. Тек содан кейін ғана депутаттар көлікке сурет салуға тыйым салу елдегі өршіп тұрған апаттылық мәселесіне еш оңды әсер бермегенін түсінді.
Комментариев: 0