ФЛИП — СберБанктің еншілес кәсіпорны SberAutoTech (Sber Automotive Technologies) компаниясының өнімі. Әйнекпен қапталған шағын фургон сыртынан қарағанда үлкен шаңсорғышқа немесе дөңгелегі бар аквариумға ұқсайды.
Машина қолдануға ыңғайлы етіп жасалған. Батареялар блогын бірнеше минуттың ішінде ажыратып алуға болады. «Бұл шешім батареяны қуаттау уақытының ұзақтығы және оның қымбаттығы секілді электромобиль пайдаланудағы көптеген кедергіні жояды», — деп хабарлады компанияның баспасөз қызметі.
ФЛИП-тің ұзындығы 3.62, ені 1.95 метр. Салоны метро вагонындағы секілді бір-біріне қарама-қарсы отыратын алты жолаушыға шақталған. Жүргізушісіз көліктің басқару электроникасы V2V («транспорт — транспорт») және V2X («транспорт — қоршаған орта») протоколына сай келеді. Демек ол кез келген «ақылды» қаланың инфрақұрылымымен үйлеседі.
Техникалық жағына қатысты өзге ақпарат айтылған жоқ. Концепт 2-5 маусымда өтетін Санкт-Петербург халықаралық экономикалық форумында таныстырылады. Толық мәлімет сол кезде жариялануы мүмкін.
Комментариев: 0