Ресеймен шекарада Қазақстан азаматтары үшін бөлек дәліз ашылуы мүмкін

Ресеймен шекарада Қазақстан азаматтары үшін бөлек дәліз ашылуы мүмкін

Мыңдаған ресейлік Қазақстанға бет алды. Көбі машинамен келе жатыр.

Вице-премьер Серік Жұманғарин ел үкіметі Қазақстан азаматтарын шекарадан тез өткізу үшін Ресеймен келіссөз жүргізіп жатқанын хабарлады.

«Кеше Ресей вице-премьерімен сөйлестім, өйткені шекарадан өте алмай тұрған Қазақстан азаматтары мен азық-түлік тиеген жүк көліктері бар. Бүгін шекара қызметі өзара келіседі. Бірінші кезекте өз азаматтарымыз бен азық-түлік тасымалдайтын көліктерге жасыл дәліз ашуға тырысамыз», — деді ҚР премьер-министрінің орынбасары.

Отдельные коридоры для казахстанцев могут открыть на границе с РФ

Оның айтуынша мемлекеттік шекарадағы өткізу бекетінде жасыл дәліз бүгін, 29 қыркүйекте немесе 30 қыркүйекте ұйымдастырылады.

Не болып жатыр?

21 қыркүйекте Ресейде ішінара мобилизация жарияланып, жұрт жаппай көрші мемлекеттерге ағылды. Шекарадағы бақылау бекеттерінде ұзын сонар кезек пайда болды. Адамдар күні бойы кезекте тұр.

«Шекарада фуралар мен жеңіл көліктер толып тұр. Жағдай қиын, 11 шақырымға созылған кептеліс. Екі тәулік болды. Кейінгі тәулікте небәрі 500 метр алға жылжыдық. Бензинге кетсеңіз, кезекке басынан қайта тұрасыз. Төбелес, ұрыс-керіс, халықтың жүйкесі жұқарды. Балалы әйелдер жылап жатыр. Басқа амал қарастыру үшін Саратовқа қайттық. Бірақ ештеңе істеуге мүмкіндік жоқ».

«Қазақстан азаматы болсақ та Ресейдің „Қараөзек“ шекара бекетіндегі (Астрахань — Атырау) 30 шақырымға созылған үлкен кептеліс салдарынан үйге қайта алмай отырмыз. Тұрғанымызға екі тәулік болды. Кезекте негізінен Ресей азаматтары тұр. Қазақстан нөмірін таққан көлік өте аз болса да, жалпы кезекті күтуге мәжбүр», — деп жазады шекарада тұрған қазақстандықтар.

Әлеуметтік желі мен топтарда тараған ақпаратқа сенсек, шекараға бет алған ресейліктер күн сайын көбейіп келеді. Шекарадан көлікпен өтуден күдер үзген кейбірі машинасын арзанға сатуға дайын. Ал қазақстандықтар оларға біздің елден көлік сатып алуды ұсынып жатыр.

Отдельные коридоры для казахстанцев могут открыть на границе с РФ

Қазақстанға қанша Ресей азаматы келді?

«Шекара қызметіне нақты сан белгілі. Кешеге дейін біздің елге 100 мыңға жуық адам кіріп, 64 мыңнан астамы кетті», — деді ҚР Ішкі істер министрінің бірінші орынбасары Марат Қожаев 28 қыркүйекте.

Комментариев: 0

Чтобы оставить комментарий, вам необходимо зарегистрироваться или авторизоваться.