«Шекарадағы ажиотажға E-border бағдарламасының жұмыс алгоритміндегі кемшілік себеп болған, ол жеңіл көлік, ауылшаруашылығы машинасы және автобустардың тіркеу дерегін пайдаланып, кезектен орын „брондауға“ мүмкіндік береді», — деп хабарлады Бас көлік прокуратурасының баспасөз қызметі.
Прокурорлар 2000-ға жуық автомобиль кезектен алынғанын айтады, олардың арасында жеңіл көліктер, сондай-ақ бұрын тіркеуден шыққан немесе тіркеуге тұрмаған машиналар бар. Шекарашылар 16 сәуірден бастап E-border бағдарламасындағы тізімді пайдаланбайды.
«Сондай-ақ шекара бекеті аумағында тоқтап тұрған 80-ге жуық ауыр жүк көлігі анықталды, олардың жүргізушілері тасымалдау құнын жоғарылату үшін әдейі Қытайға өтпей уақыт созған. Осындай фактілердің алдын алу үшін технологиялық схемаға түзету енгіземіз, бұдан былай жүк тасымалдаушылар шекара бекетінде 72 сағаттан артық тұра алмайды», — дейді рокурорлар. Олар шекарадағы жағдайды жалғасты бақылауға уәде берді.
Бұған дейін Қытай ковид кезінде енгізген шекарадағы шектеулерді алып тастаған. Осыдан кейін Қазақстанға келетін тауар мөлшері күрт артып, шекарада ұзын-сонар кезек пайда болды. Премьер-министрі бұл мәселені тез арада шешуді тапсырды.
Комментариев: 0