Еуропа санкция салған соң Bosch шығарған ABS бөлшектерін ресейлік көлікке орнатуға тыйым салынды. Жеңіл көлікті бұғаттауға қарсы тежеуіш жүйесінсіз шығаруға болады, бірақ ол үшін технологиялық жабдықты өзгерту қажет, оның шығыны көп және өндіріс белгісіз мерзімге тоқтайды.
Bosch-тың орнын Тяньцзиньде шығатын Trinova бөлшегі басады. «Русский автомобиль» сайты хабарлағандай, қытайлық компонент ең алдымен Largus универсалына орнатылады, бұл шілдеге жоспарланып отыр. «Ларгустан» кейін Trinova ABS-ы өзге модельдерге қойылады.
Ал УАЗ Bosch-ты қытайлық APG (Zhejiang Asia-Pacific Mechanical & Electronic) компаниясының өнімімен алмастырады. Аталған жүйе Bosch 8.1-дің көшірмесі болғанымен көпшілікке бірнеше жылдан бері жақсы таныс. Оның бағасы да түпнұсқадан арзан емес. Қытайлар жасаған жабдық қашан қолданысқа енетіні қазірше белгісіз, «буханка» өз елінде ABS-сыз шығатын болды, ал өзге жол талғамайтын көліктерге қатысты шешім кейінірек қабылданады.
Сондай-ақ «Патриоттың» Punch Powergilde (Францияда жасалады) автомат қорабы бар нұсқасы шықпайды. Бұған да саяси жағдай себеп болып отыр.
Комментариев: 0