Ресей автонарығында қызық жағдай болып жатыр. Kolesa.kz санкция салдарынан әлемдік маркалар елден кетіп жатқанын аракідік жазып тұрды. Нәтижесінде жыл аяғында 60 брендтің 14-і ғана қалған, көбі Қытай өнімі.
Мұны «Российские автомобильные дилеры» қауымдастығы аспан асты елінде жасалған көлік сататындарға жолдаған хатында атап өтті. РИА «Новости» оның көшірмесін жариялады. Мәтінде елде отандық брендтерден тек Lada, ГАЗ және УАЗ қалғаны жазылған.
Қазір елдегі жаңа көліктер нарығында 60 брендтің 14-і қалды. Оның үшеуі ғана отандық: Lada, ГАЗ, УАЗ. Қалғаны Қытай маркалары: Chery, Geely, Haval, Jac, Faw, Dongfeng, Changan, Exeed, Gac, Foton, Omoda, деп мәлімдеді қауымдастық өкілдері.
Алпауыт өндірушілер Ресейге машина жеткізуді тоқтатса да, көліктер параллель импорт арқылы бейресми жолмен ел аумағына кіріп жатыр. Қазір Өзбекстанда жасалған Chevrolet немесе Қытай тұрғындарына арналған Volkswagen сату туралы ұсыныстар табуға болады.
Комментариев: 0