Ресейдегі бұрынғы Toyota зауыты жүк көлігін шығарады

Мемлекеттік ғылыми орталықтың меншігіне өткен Toyotа зауытының жағдайы белгілі болды. «Известия» басылымы олар 2024 жылдан бастап БАЗ-S36A11 жүк көліктерін шығаратынын хабарлады. Модельді Алмаз-Антей құрамындағы Брянск және Обухов зауыттары бірлесіп жасаған. Ең алдымен мұнай-газ секторына арналған жаңа көлікті марка биыл көктемде көрсетті.

Автокөлік 6×6 дөңгелек формуласына ие, 40 тоннаға дейін жүк тасымалдауға қабілетті және көп компоненті әскери БАЗ-6909-бен бірдей. Көлік Renault dCi 11 қондырғысының лицензияланған көшірмесі 11 литрлік YaMZ-6531 турбодизелімен жүреді. 422 ат күші мен 1900 Нм момент беретін мотор 9 сатылы ЯМЗ-1909 механика қорабымен жұптаса жұмыс істейді.

БАЗ-S36A11 зауыттан шығатын жалғыз машина емес. 2026 жылы кәсіпорында «Алмаз-Антей» концерні жасаған E-Neva электромобилін шығару жоспарланған. Автоның әзірге прототипі ғана дайын.