Ресейдегі бұрынғы Mercedes-Benz зауыты Қытай көліктерін шығарады

Неміс концерні Ресейден кеткеннен кейін Мәскеу облысындағы Есиповода орналасқан кәсіпорын «Автодом» холдингінің меншігіне өтті.

Екі жыл бос тұрған өндіріс орны қайта жанданды. «Коммерсант» газетінің хабарлауынша шілдеден бастап Exeed VX-ті ірі торапты әдіспен құрастыру басталады, оның рестайлингке дейінгі нұсқасының бағасы Қазақстанда 17 миллион теңгеден басталады.

Ресейде шығатын Exeed VX көлік құралының типін мақұлдау құжатын алды. Құрастырылған әр автомобиль үшін Chery «Автодомға» 42–47 мың рубль (шамамен 240–250 мың теңге) комиссия төлейді.