Ресейдегі Bosch зауыты қайта жұмыс бастайды

Бұрынғы «Роберт Бош Самара» зауытын иелігіне алған Ғылыми автомотор институты (ФГУП НАМИ) кәсіпорында 2024 жылдың ортасынан бастап бұғаттауға қарсы тежеуіш жүйесі мен тұрақтандыру жүйесін қайта өндіруге ниетті.

Бұл туралы НАМИ басшысы Фёдор Назаров мәлімеді, деп хабарлайды ТАСС. Зауыт автобөлшекті шығыстан келген серіктеспен бірге шығарады. Жоба үш кезеңнен тұрады, соңғы кезеңде локализация деңгейі 100 %-ға жетеді.

Топ-менеджер НАМИ АВТОВАЗ көліктерін самаралық ABS және ESP жүйесімен жабдықтау жөнінде келісімге келгенін айтты. Одан бөлек зауыт өніміне ГАЗ, «Соллерс» және Haval қызығушылық танытып отыр. «Бізде 500 мың жүйе шығаруға тапсырыс бар. Бірақ келер жылы мұнша көп өнім жасай алмаймыз, ал бір жылдан кейін мүмкіндік болады», — деді Назаров.

Демек бір жылдан кейін Ресейде автомобильдің қауіпсіздік жүйесін шығаратын екі кәсіпорын пайда болады. Биыл жазда Костромада қытайлық компоненттен ABS жасала бастады.