Бұл ақпаратты Autonews басылымына Автомобиль жабдықтары дистрибьюторларының ассоциациясы берген. Қауымдастық өкілдерінің айтуынша, шетелдік ірі өндірушілер Ресейге өнім жіберуді тоқтатты. Бұған рубльдің құнсыздануы, санкция салынған елде жұмыс істеудің қиындауы және кеше ғана контейнермен жүк тасымалдайтын Maersk, MSC және CMA CGM секілді жаһандық операторлардың Ресеймен жұмыс істеуден мүлде бас тартуы салдарынан елге компонент жеткізудің мүмкін болмауы себеп болып отыр. Мұнда тек азық-түлік, дәрі-дәрмек пен гуманитарлық жүк жіберуге рұқсат берілген.
Қосалқы бөлшек жеткізуде қиындық барын Реседегі ресми дилерлер де растады. Олар берген мәлімет бойынша қолда бар жабдық 1-2 аптаға ғана жетеді. Мәселе дереу шешілмесе, наурыз-сәуірде май, сүзгі, диск, амортизатор сияқты дүниелерді табу қияметке айналуы мүмкін.
Қазір Ресейде автобөлшек сатушылар тауар бағасын 1.5-2 есе көтерді. Олар өнім жеткізу қашан басталатынын білмейді, сондықтан қолда бар жабдықтарды барынша қымбат сатуға тырысады. Қазақстан нарығындағы жағдайды Kolesa.kz-тегі «Қосалқы бөлшектер» бөлімін бақылау арқылы білуге болады.
Комментариев: 0