Ресейде өздігінен жүретін жүк көлігі жолға шықты

Ресей Көлік министрлігі ресми Telegram-каналында Санкт-Петербург пен Мәскеуді қосатын М-11 «Нева» тас жолына автономды жүргізу жүйесімен жабдықталған жүк көлігін шығарғанын хабарлады. Бұрын жүргізуші рөлде отыруға міндетті болса, енді олар жолаушы орнына отыра алады.

Жолға төрт автономды көлік шықты, екеуін «КамАЗ» зауыты (қызыл ливреямен), қалғанын «Сберавтотех» бағдарламалық жасақтама әзірлеушілері (ақ түсті) ұсынды. Жыл аяғына қарай автопаркте 43 машина болады, ал 2025 жылы көлік саны 93-ке жетеді.

Ведомство басшысы Роман Старовойт Ресейде өздігінен жүретін көлік үшін арнайы жолақ болмайтынын айтты, олар жалпы жолда жүреді. Ал олардың қауіпсіздігіне инженерлер жауапты болады.

Бұл жаңалыққа сала мамандары алаңдап отыр, себебі жол инфрақұрылымының қазіргі жағдайы жүргізушісі жоқ машинаны, әсіресе жүк көлігін қауіпсіз пайдалануға бейімделмеген. Мысалы, Қытайда мұндай көліктер тек жабық жерде жұмыс істейді.