Ресейде «Москвич 6-ның» бағасы белгілі болды

«Москвич» зауыты 6 индексті лифтбекке қатысты жоспарын ресми бөліскен жоқ. Бірақ Autonews басылымы дилерлерден сатылым басталатын уақыт пен жаңа көліктің бағасын анықтап білді.

«Москвич 6» — түрі өзгерген JAC. Бұл Sehol A5 Plus-тың Ресей нарығына бейімделген түрі (JAC J7 Pro). Жаңа модельді ел нарығына дайындап жатыр. Мәскеуде бес есікті машинаны былтыр қыркүйекте шығара бастаған.

Ресейде «Москвич 6» көлемі 1.5 литрлік екі қозғалтқышпен сатылады. Бірі — вариатормен жұптасқан атмосфералы қозғалтқыш (136 а. к., 200 Нм), екіншісі — 6 сатылы роботпен бірігіп жұмыс істейтін турбомотор (174 а. к., 300 Нм). Autonews механикалық корап тұрған нұсқа туралы да жазды. Дилерлердің бірі ондай «Москвич 6» — 2.7 млн рубль (13 млн теңге), ал екі басқышты нұсқасы 3.1 млн теңге тұрады деп хабарлады.

Басқа дилерлік орталық көлікті сәл арзан (2.4–2.6 млн рубльге) сатып жатыр. Қалай болғанда да механикалық қозғалтқышпен жабдықталған лифтбек бағасы 2.22 млн рубльден (10.6 млн теңге) басталатын «Москвич 3-тен» қымбат болады.

Бес есікті көліктің базалық жабдықтар тізімінде диодты оптика, ауа баптағыш, алдыңғы орындықтарды жылыту жүйесі, 10.4 дюймдік дисплейі бар медиажүйе мен артқы көрініс камерасы болады, салон былғарымен қапталады. Марка үш жиынтық түрін ұсынады, қымбат түрлеріне алты қауіпсіздік жастығы, климат-бақылау, цифрлы аспаптар панелі және айнала шолу камерасын орнатады.

Ресми сатушылар «Москвич 6-ны» жақында саудалай бастайтынын ескерсек, бағасын да бірер аптада жариялайды. Бұдан бөлек зауыт 5 және 8 индексті екі жол талғамайтын көлік өндіруге ниетті. 2024 жылы кәсіпорын 44 мың автомобиль жасаймыз деп жоспарлады. «Москвич» жұмысын бастағалы 27 мың көлік шығарған деген мәлімет тарады. Соның 10.2 мыңы дилерлерге жетті.