Ресейде екі рет GAC көлігі өртенді

Shot Проверка телеграм-арнасы хабарлағандай, алғашқы оқыс оқиға мамырдың ортасында болған, М-12 тас жолындағы жанармай құю бекетіне бұрылған GAC GS8-дің капот астынан жалын шығып, жүргізуші есігі отқа оранған. Машинада ерлі-зайыпты отырған, әйелі жүріп бара жатқан көліктен секіріп түсті, ал ер адам қауіпсіздік белдігін дер кезінде шеше алмай, беті мен қолын күйдіріп алыпты. Соған қарамастан ол бекет қызметкерлерімен бірге өртті өшіруге атсалысқан.

Көлік иесі кроссоверді алғанына бір жыл да болмағанын айтты, машинаны былтыр желтоқсанда салоннан сатып алыпты. Жүргізуші дилерге және тіке GAC өндірушісіне хабарласқанда олар сараптама жүргізуге уәде берген. Оның үстіне оқиға кезінде артқы есіктер ашылмай қалыпты, егер сол сәтте салонда балалар отырса, салдары тіптен ауыр болар еді.

Осы оқиғадан бір ай өтпей жатып Саратовтағы трассада тағы бір GAC GS5 өртенді. Бұл көлікте де ерлі-зайыпты отырған, олар капот астынан шыққан түтінді дер кезінде байқап, жалынды ерте сөндіріпті. Соның арқасында ешкім зардап шекпеген. Бұл машина да ескі емес, 2022 жылы шыққан.

1 / 5

• 
• 
• 
• 
• 

1 / 5

Кейін GAC бөлімшесі Telegram-да Саратовтағы оқиғаның себебін түсіндірді. Олардың айтуынша GS5 ұзақ уақыт тоқтап тұрған, сол кезде капот астына құс ұя салыпты, көлік жүргенде сол ұя тұтанған. Бірақ Ресейдің Байланыс, ақпараттық технологиялар және бұқаралық коммуникацияларды қадағалау қызметі Қытай компаниясына көліктерінің өрт қауіпсіздігін тексеруді ескертті.

Айта кетейік, аталған екі модель Қазақстанда ресми сатылып жатыр.