Ресейде Жапониядан келетін ескі көліктерге сұраныс артты, нарық сарапшылары кей күндері өсім екі есе артқанын анықтады. Drom порталы хабарлағандай, ЕО елдерінен кейін жапон билігі де Ресейге автомобиль жеткізуге шектеу енгізді, осы ақпарат шыққан соң тұрғындар машина алуға асығып жатыр.
«Дром» сарапшылары шілдеде Жапониядан келген ескі автокөлікке сұраныс үш есе артқанын хабарлады. Сұраныс маусыммен салыстырғанда 80 % өскен, ал сатылым екі есе артты. Бұрын бір күнде 600–800 автомобиль өтетін, санкция туралы ақпарат шыққан соң тұрғындар күніне 1200 машина алып жатыр.
Ал Жапониядан келетін машиналардың орташа бағасы 1.4 млн рубльден 1.6 млн рубльге өсті.
Басылым Ресейде сатылатын оң рөлді көліктердің тең жартысы экспорттауға тыйым салынған модельдер тізіміне енгенін хабарлады. Қазір Жапония порттарында Ресейге жөнелтуді күтіп тұрған машиналар бар. Экспортқа тыйым салу жөніндегі шешім оларға әсер ете ме, жоқ па, белгісіз.
Шектеу 9 тамызда күшіне енген соң Жапония Ресейге қозғалтқыш көлемі 1.9 литрден асатын машина жеткізбейді. Сондай-ақ гибрид және электромобиль экспортына толық тыйым салады. Одан бөлек Мәскеуге автокресло, жүк көлігіне арналған шина сияқты кейбір компоненттер сатпайды.
«Авто.ру» журналына сұхбат берген нарық сарапшылары Жапония санкциясы Ресейдің ескі көлік нарығына үлкен әсер етпейтінін айтты. Енді тұрғындар қозғалтқыш көлемі кіші көлік алады немесе санкцияға ұшыраған автомобильді үшінші елдер арқылы жеткізеді. Бірақ логистикаға байланысты баға өсетіні анық.
Комментариев: 0