Жақында Мәскеуде сутекті энергетикаға арналған халықаралық конференция өтті. НАМИ өкілдері сутекпен жүретін көлік нарығына баға берді. Олардың есебінше нарықтың көлемі 2030 жылға қарай 5.6 млрд долларды, 2034 жылы 15.9 млрд долларды құрайды. Қазір 1.8 млрд долларға бағаланып отыр.
НАМИ-дің Мемлекеттік және кешенді бағдарламалар орталығының директоры Роман Малкин он жылдан кейін саудаланатын сутекті автомобильдердің жартысы жеңіл машина болады деді.
Ғылыми орталықтың өкілі Ресейде сутекпен жүретін машинаны толық циклді әдіспен әзірлеуге болатынын атап өтті. Оған жобалау мен толық сынақ қана емес, тиіс заң мен ереже дайындау да кіреді.
НАМИ-дің бұл саладағы басты жобасы — Aurus Senat седанына негізделген, сутекті отын элементтерімен жұмыс істейтін үш қозғалтқышы бар NAMI Hydrogen. Оның алғашқы нұсқасы 2021 жылы жарық көрді. Қазір үш прототипі бар және оларды жақсарту жұмыстары үздіксіз жалғасады.
Әлемде мұндай күштік құрылымы бар автомобильдердің болашағы туралы ортақ пікір жоқ. Көбіне прототиптер серияға шыққанда сипаттамасына сай болмай қалады, мәселесі де аз емес.
Комментариев: 0