Сәуірде Еуроодақ Ресейде тіркелген көліктің кіруіне тыйым салғаннан кейін жеткізу құны 4-5 есе өсіп, тауар тасымалдайтын компаниялар қатты зардап шекті. Осыған жауап ретінде және өз тасымалдаушыларын қолдау мақсатында РФ Көлік министрлігі мен Халықаралық автотасымал қауымдастығы еуропалық жүк көліктерін шекарадан өткізбеуді ұсынды.
Демек Еуроодақтан тікелей рейс болмайды. Жаңа схема бойынша шекарада тіркеме ажыратылып, Еуропадан келген фурадағы жүк ресейлік машинаға қайта тиеледі (жүк Еуропаға кететін болса керісінше болады). Беларусьте бұл схема бұрыннан жұмыс істеп тұр.
Осыған байланысты жеткізу құны мен жолға кететін уақыт бұрынғыдан да артады. Бұл ресейліктерге ғана емес, тауары сол ел арқылы келетін Қазақстандағы алушыларға да қиындық тудырады.
РБК хабарлағандай, Еуроодақта тіркелген фураның Ресей аумағына кіруіне тыйым салатын президент жарлығы мен үкімет қаулысының жобасы дайын, оған кез келген күні қол қойылуы мүмкін.
Комментариев: 0