Ресей нарығы Renault үшін өте маңызды болатын. Өз отаны Франциядан кейінгі екінші орында тұрған. Қолда бар ақпарат бойынша компания табысының 15 %-ы Ресейден келеді. Автоөндіруші Ресейден кеткен соң көліктері ЕЭО елдерінде де сатылмайтын болды. Осыған байланысты марка өнімдерінің сатылымы біраз төмендеді.
Renault бірінші жартыжылдықтың қорытындысын жариялады. Ресми дерек бойынша 2022 жылдың алғашқы алты айындағы сатылым 2021 жылдың ұқсас мезгілімен салыстырғанда 29.7 % төмендеген. Бұған АВТОВАЗ-да шығатын модельдердің тоқтауы үлкен әсер етті. Оларды есепке алмаса көрсеткіш 12 % ғана төмендер еді.
Renault және өзге де автоөндірушілердің Ресейден кетуіне биыл ақпанда басталған Ресей-Украина қақтығысы себеп болған. Француздар мамырға дейін елдегі жұмысын тоқтатып, АВТОВАЗ-дағы 67.7 пайыз үлесін қамтитын жергілікті активтерін тастап кетті. «Рено» өз акциясын қайта сатып алу құқығын сақтап қалды, бірақ бұл жақында жүзеге аспайтын шығар.
Комментариев: 0