Концерн Ресей нарығынан кетуге асықпаған еді, алайда беделін сақтау ақшадан маңызды деген шешімге келді. 23 наурызда компанияның Мәскеудегі зауыты жабылатыны белгілі болды. Онда Kaptur, Arkana, Duster модельдерін құрастыратын. Қазір Тольяттидегі Logan мен Sandero жасайтын зауыттың да болашағы бұлыңғыр болып тұр.
Баспасөз хабарламасында Renault басшыларының мұндай шешім қабылдауына «Ресейге салынған халықаралық санкция талаптарын ұстану қажеттігі» себеп болғаны жазылған. АВТОВАЗ-дың француз концерніне тиесілі акциялары алдағы уақытта сатылады немесе сенімді басқаруға беріледі. Дәл қазіргі уақытта шетелдік автоөндірушілер оны алуға ықылас таныта қоймайтынын ескерсек, кәсіпорын «Ростех» корпорациясының қолына өтуі мүмкін.
АВТОВАЗ Renault басшыларының әрекетіне қатысты пікір білдіргенін айта кеткен жөн. Компания Тольятти және Ижевскідегі жұмыс орындарын сақтап қалуға күш салатынын хабарлады. Келер айда менеджерлер логистикалық байланыс орнату және шетелден келетін бөлшектерге балама табу жолдарын қарастырады.
Қазақстанда Renault көліктеріне сұраныс жоғары деп айта алмаймыз. Былтыр концерн модельдерінің ешқайсысы көп сатылған көліктер тізіміне ене алмады.
Комментариев: 0