Renault және Geely альянсы Латын Америкасында ірі мәміле жасады, оның нәтижесінде Geely компаниясы Renault-ның Бразилиядағы бөліміне тиесілі акцияның бір бөлігін сатып алып, серіктесінің сол елдегі зауыттарын пайдаланады. Ал Renault модельдері Geely GEA платформасын алады.
Renault do Brasil әріптесіне 26.4 % акциясын берсе, Geely өз көліктерін жергілікті Renault дилерлерінің көмегімен сатады. Geely мұндағы халыққа ең алдымен EX5-ті ұсынады деген мәлімет бар.
Geely машиналарының біразы Бразилиядағы Renault кәсіпорнының конвейеріне тұрады. Бұл қытайлардың өз топтамасын осы елде құрастыруына мүмкіндік береді. Geely Бразилия нарығына ресми түрде шығып алғанмен, әзірше Қытайдан өнім тасуға мәжбүр.
Renault концерні Geely архитектурасын қолданамыз деп мәлімдеді, бірақ ол модельдердің басым бөлігін Латын Америкасында саудалайды. Қытай платформасына негізделген көліктер тағы қайда аттанатыны беймәлім.
Renault мен Geely Оңтүстік Кореяда да бірлесіп қызмет етіп жатыр, онда күштік агрегаттар жасайтын Horse Powertrain мекемесі бар. Reuters француз бренді Қытайдың басқа да ірі өндірушілерімен серіктес болуға ниетті деп жазды. Олардың қатарында Chery бар екен, алайда келіссөз әлі айтарлықтай нәтиже бермеген.
Комментариев: 0