Рамалы жаңа Haval H9-дың алғашқы фотосы жарияланды

Haval жаңа буындағы H9-дың алғашқы ресми суретін жария етті. Қазірше камуфляжды фотосы ғана шықты, бірақ жаңа өнімнің негізгі стилистикалық ерекшелігі анық көрінеді. Бензинді немесе дизельді мотордың бірін таңдауға болады, толық жетек пен автомат қорап бар. Қолда бар ақпаратқа сүйенсек, Қытайда H9 өндірісі жылдың алғашқы жартысында басталып, күзге қарай шетел нарығына шығады.

1 / 5

• 
• 
• 
• 
• 

1 / 5

Жаңа Haval H9-дың сырт пішіні қырлы бола түсті. Мамандар дәстүрлі дизайн ерекшелігін пайдалана отырып, жол талғамайтын көлік бейнесін агрессивті етті. Бұрынғы Haval Raptor сияқты жаңа өнімде дөңгелек оптикамен біріккен тік бұрышты радиатор торы және ерекше дөңгелек доғасы болады.

Ал интерьерінің тыңшылар түсірген фотосы тараған, одан бұған дейін Tank-те қолданылған элементтер байқалады. Haval H9 бен Tank 500 бір сегменттен орын алады, бірақ жаңа өнімде гибрид күштік құрылым бола ма, белгісіз. Haval H9 9 сатылы автоматпен жұмыс істейтін, 200 ат күшіне ие 2.4 литрлік дизельді мотормен жүреді. Сондай-ақ 2 литрлік бензинді турбомотор бар, ол 225–250 ат күшін береді, бұл агрегат 8 сатылы автоматпен жұптасады.

Машинада рама мен муфтадан бөлек алдыңғы жетектегі дөңгелекаралық бұғат және круиз-бақылау сияқты электронды көмекшілер жинағы болады.

Инсайдерлер Haval H9 Ресей нарығына биыл жаз аяғына дейін шығатынын хабарлады. Модель Қазақстанға сол уақытта немесе сәл кейінірек келеді.