Қала әкімдігі хабарлағандай, Алматыда алғаш рет көше бойы толық жаңарады, ғимараттың қасбетінен бастап тротуар, жасыл аймақ, жол бойы сияқты инфрақұрылымның барлық қабаты жөндеуден өтіп, жайлы және заманауи қала ортасы қалыптасады.
Жоба үш бөлімнен тұрады:
- Пушкиннен Сейфуллинге дейін (1.8 км).
- Сейфуллиннен Ахрименкоға дейін (7.2 км).
- Ахрименкодан «Алтын Орда» базарына дейін (7.5 км) және Пушкиннен Жетісуға дейінгі қысқа бөлік.
Бірінші және екінші бөліктің мердігері — «Казахдорстрой» ЖШС, үшінші бөліктің мердігері — «Прогресс KZ» ЖШС.
Пушкиннен Сейфуллинге дейінгі BRT желісі қандай болатынын Kolesa.kz редакциясы бұған дейін жазған.
BRT құрылысы екі кезеңге бөлінеді:
Бірінші кезеңде, яғни 21 сәуірден маусымға дейін құрылыс-монтаж жұмысы жүреді: оң жақ шеткі жолақ жабылады, бірақ әр бағытта үш жолақ ашық болады.
Бұл кезеңде мына жұмыстар атқарылады:
- арық пен дренаж жүйесін салу;
- жаңа аялдама салу;
- суару жүйесін орнату;
- инженерлік коммуникацияны көшіру.
Маусымда жол жөндеушілер жаңа асфальт төсеп, жол белгілерін орнатады және бағдаршамдарды жаңартады. Сондай-ақ тротуар, жасыл аймақ, веложол, балалар және спорт алаңдарын абаттандыру жұмысы басталады.
Мамандар 36 сағат қозғалысты ішінара шектеу арқылы жол жабынын ауыстырады. Мұндай кезде жүргізушілер реверсивті қозғалысқа көшеді. Мұндай схема тиімді екені Әл-Фараби және Абай даңғылын жөндеген кезде белгілі болған.
Жөндеу жұмысы жүріп жатқан аумақта жаяу жүргіншілер жолы салынады. Түнгі уақытта қауіпсіздікті қамтамасыз етуге және мүмкіндігі шектеулі жандарға арналған қоршау, пандус және жарық шағылыстыратын элементтер болады. Жұмыс барысында жол бойында уақытша аялдамалар бой көтереді.
Негізгі жұмыстар биыл аяқталады.
BRT желісінің екінші және үшінші бөлігі қандай болатыны туралы жақында жазамыз.
Биыл қала билігі Желтоқсан көшесіне де BRT салуды жоспарлап отыр.
Комментариев: 0