Алматыда 1 маусымда мопедтерге рейд жүргізу басталды, бір айда патрульдер 4.8 мың мопед жүргізушісі мен 5.2 мың самокат жүргізушісін әкімшілік жауапқа тартты.
— Екі дөңгелекті көлікті кәмелетке толмағандардың пайдалануына ерекше назар аударылды. Шамамен 100 ата-ана балаларының самокат және мопед жүргізуіне рұқсат бергені үшін жауапқа тартылды, бұл жалпы заңға және қауіпсіздік нормаларына қайшы келеді, — деді жергілікті полиция қызметі басқармасының бастығы Серік Шумаев. Оның айтуынша тексеру кезінде жүргізушіде техниканың құжаты болмауына байланысты мыңнан астам мопед айыптұраққа қойылған. Патрульдер көлік құралына меншік құқығын растайтын құжатты немесе көлік құралын тіркеу куәлігін талап етіп жатқанына мопед жүргізушілері шағымданды. Полиция талаптарының қаншалықты дұрыс екенін анықтайық.
Заң бойынша жылдамдығы
Тәртіп сақшылары мопедтің қозғалтқыш көлемі 50 кубтан асады деп күдіктенсе, айыппұл тұрағына жібермей, каталогтар немесе басқа тәсілдер арқылы тексеріп, дәлелдеуі керек.
Заңда мопед жүргізушісінде меншік құқығын растайтын құжат болуға тиіс деп жазылмаған. Оның қолында дүкеннен сатып алған кездегі түбіртек қана болуы мүмкін. Қолдан сатып алған жағдайда ешқандай келісімшарт жасаудың қажеті жоқ. Бұл хабарландыру арқылы велосипед немесе шкаф сатып алғанмен тең.
Билік мопедті барлығына құжат беру және рамасында нөмірі жоқтарға нөмір беру үшін заңдастыруды көздеп отыр.
Полиция құжаты жоқ мопед жүргізушісін тоқтатып, техника ұрланған не ұрланбағанын және іздеудегі мопедке ұқсаса ғана рамадағы нөмірін тексере алады. Қылмыстық есептер базасында жоқ болса, полиция қызметкерлері оны айыптұрағына жіберу арқылы өз өкілеттігін асыра пайдаланып жатыр!
Сол себепті темір тұлпарынан айырылған жүргізушілер полицияның әрекетіне шағымданып, скутерлерін қайтаруға құқылы.
Комментариев: 0