Қытай көліктері Қазақстан нарығында көбейіп келеді. 2021 жылы біздің елге қытайлық үш бренд келді. Олар: Haval, Chery және Exeed. Мұның соңғысы әлі сатылымға шыққан жоқ, 2022 жылы наурызда сатыла бастайды.
Бірақ қытайлық брендтер өз елінде аса танымал емес. 2021 жылы ең көп сатылған он үздік көліктің арасында екі-ақ жергілікті марка бар. Оның бірі 28.8 мың юань (2 млн теңгеге жуық) тұратын «халықтық» электромобиль Wuling Hongguang Mini, екіншісі Haval H6 кроссовері. Олар тиісінше бесінші және алтыншы орынға жайғасқан.
Қытайда ең көп сатылған машина — жергілікті FAW-Toyota және GAC-Toyota зауытында өндірілген Toyota Corolla мен оның егізі Levin. Седанның 546 мың данасы сатылды, бұл 2020 жылмен салыстырғанда 13 %-ға аз. Екінші орында Nissan Sylphy (515.5 мың дана), үшінші сатыда Volkswagen Lavida (429.4 мың дана) тұр.
Үздік ондыққа қытайлық екі марка ғана енді, бірақ қалған сегізі де импортталған машиналар емес. Олар сол елдегі бірлескен кәсіпорындарда шығарылады.
Toyota Corolla
Nissan Sylphy
Volkswagen Lavida
Honda Breeze (CR-V)
Wuling Hongguang Mini
Haval H6
Honda Vezel (HR-V)
Toyota Wildlander (RAV4)
Buick Exelle GT
Volkswagen Bora
да знают какое авто нормальное