Қытайдағы Toyota Corolla-ның дизайны жаңарды

Гуанчжоудағы автосалонда Toyota мен FAW бірлескен кәсіпорын Қытайға арналған рестайлингтен өткен Toyota Corolla-ны таныстырды. Модель заманауи дизайн алды. Көлемі мен мотор гаммасы өзгерді.

Өлшемдері — 4710 × 1780 × 1435 мм, дөңгелек базасы — 2750 мм. Ось арасындағы қашықтық 50 мм, жалпы ұзындығы 75 мм ұзарды. Машина өлшемі жағынан Қытайдағы Toyota Allion-ға жақын. Жүксалғыш көлемі — 470 литр, дөңгелек дискілері — 17 дюйм.

1 / 10

• 
• 
• 
• 
• 
• 
• 
• 
• 
• 

1 / 10

Рестайлингтен өткен Corolla диодты жолақпен біріккен C тәрізді күндізгі жүріс шамы және шетінде тік ендірмелері бар (ішіне негізгі фара жасырылған) жаңа бамперімен концерннің басқа өнімдеріне ұқсайды. Артқы бөлігі және салоны бұрынғыдай.

Мотор гаммасында 98 ат күшін беретін 1.8 литрлік атмосфералы моторға, электрлі қозғалтқышқа (95 а.к.) және e-CVT вариаторына негізделген гибрид құрылым қалады. Сертификат құжаттарынан Toyota мен FAW Corolla-ны ықшам іштен жанатын қозғалтқыш орнына үлкен агрегатпен жабдықтайтынын көруге болады. Автомобиль 171 ат күшіне ие 2 литрлік мотормен жүреді. Компания мұндай қозғалтқышты Toyota Allion-ға да орнатады.

1 / 13

• 
• 
• 
• 
• 
• 
• 
• 
• 
• 
• 
• 
• 

1 / 13

Жаһандық нарыққа арналған Toyota Corolla толық өзгеруге тиіс. Бренд оның прототипін қазанның аяғында өткен Japan Mobility Show көрмесінде көрсетті. 2026 жылы бұл көліктің сырт келбеті жаңарады.