Қытайдағы Toyota Camry 80-нің қуаты артты

Toyota және GAC бірлескен кәсіпорны Camry-дің жаңа түрленіміне тапсырыс қабылдай бастады. Модель 2.5 литрлік атмосфералы моторға негізделген гибридпен жабдықталады. Аспан асты еліндегі ең қуатты Camry-дің ең арзаны 219 800 юань (13.5 млн теңге) тұрады.

Машинаның жаңа күштік құрылымы 2 литрлік мотормен жүретін гибридтен айтарлықтай ерекше емес, дегенмен оның құрамындағы 2.5 литрлік бензинді қозғалтқыш пен электромотордың қуаты 33 ат күшіне артық.

Атмосфералы агрегат 185 ат күші мен 221 Нм момент берсе, электромотор тағы 136 ат күші мен 208 Нм қосады. Күштік құрылымның құжат бойынша қуаты 230 а.к. шамасында, 100 шақырымға 4.55 литр жанармай жұмсайды. Екі қозғалтқыш E-CVT вариаторымен жұмыс істейді.

1 / 12

• 
• 
• 
• 
• 
• 
• 
• 
• 
• 
• 
• 

1 / 12

Бренд көліктің үш комплектациясын ұсынады. Бағасының өсуіне қуатты мотор ғана емес, жабдықтарының көптігі де әсер етті. Мысалы, тізімде бейімді оптика, 10 қауіпсіздік жастығы, рөл жылытқыш, артқы жолаушыларға арналған басқару панелі бар үш аймақты климат-бақылау, 10 түрлі реттелетін жүргізуші орындығы, саны артқан электронды көмекшілер бар.

1 / 19

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 19

Қытай нарығына арналған Toyota Camry XV80-нің басқа өңірлерге арналған нұсқадан айырмашылығы бар. Күштік құрылымнан бөлек, бамперінің дизайны мен интерьерінің архитектурасы өзгеше болады.

Солтүстік Америкада 2.5 литрлік моторы бар седан тұсаукесерден кейін-ақ сатыла бастаған. Ол артқы осьтегі қосымша электромотордың арқасында толық жетекті болды.