Қытайдағы ең арзан 7 орынды вэн жақында жолға шығады

Компания Starlight 730 (Xingguang 730) моделіне алдын ала тапсырыс қабылдай бастады. Клиент салон құрылымы мен жетек түрін таңдай алмайды, бірақ алғашқы кезеңде бірден төрт түрлі күштік құрылыммен шығады. Оған іштен жанатын қозғалтқыш (екі түрлі трансмиссиямен), гибрид және электромотор кіреді. Бағасы — 76 800–112 800 юань (5.8–8.5 млн теңге). Жергілікті баспасөздердің мәліметінше Starlight 730 — Қытайдағы ең арзан (жеңілдіксіз) жеті орынды вэн.

1 / 12

• 
• 
• 
• 
• 
• 
• 
• 
• 
• 
• 
• 

1 / 12

Өлшемдері — 4910×1850×1770 мм, дөңгелек базасы — 2910 мм. Клиренсі — 170 мм, жүксалғыш көлемі — 315-1202 литр. Машина бәсекелестерінен ерекше жарық техникасымен және терезе сызығымен ерекшеленеді. Қозғалтқыштың бар-жоғын алдыңғы радиатор торынан байқауға болады. Электрлі нұсқада оның орнында бүтін панель тұрады. Интерьерде екінші қатардағы орындықтар жеке орналасқан, артқы қатардағы үш орынды диванның арқалығы реттеледі, сонымен қатар ұсақ-түйек салатын 25 орын бар.

1 / 16

• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 16

Автомобиль тек алдыңғы жетекті. Базалық модификация 177 ат күшін және 290 Нм момент беретін бензинді қозғалтқышпен жабдықталады, ол 6 сатылы механикамен жұптаса жұмыс істейді. Мамандар қымбат түрленімге вариатор орнатты. Мұндай Starlight-тың ең жоғары жылдамдығы — 180 км/сағ.

Гибридтің қозғалтқыш көлемі өзгермеді және турбинасы жоқ, оған электромотор көмектеседі. Жалпы қуаты 197 ат күшіне (230 Нм) тең. Көлік 20.5 кВт·сағ батареямен 125 шақырым еңсереді, ал жалпы жүріс қоры 1100 км-ге жетеді. Максимал жылдамдығы бензинді нұсқадан 10 км/сағ төмен.

Электрлі вэн 136 ат күшін (200 Нм) беретін мотормен жүреді, 60 кВт·сағ батареямен 500 шақырым еңсереді. Ең жоғары жылдамдығы 10 км/сағ төмен болады.