Компания 700 индексті және гибрид моторы бар жол талғамайтын көлікті сатуға дайындалып жатыр. Жергілікті БАҚ деректеріне сүйенсек 30 қаңтарда сатыла бастайтын көліктің құны 500–550 мың юань (31-34 млн теңге) болады.
Tank 700 First Edition шанақтың агрессивті бастырығымен және жақсы комлектациясымен ерекшеленеді. Стандарт модификациядағы автомобиль капоттағы «танауынан», антиқанаттан және ірі бамперінен арылып қарапайым көрінетін болады, бірақ техникалық сипаттамасы жағынан өзгермейді.
Машинаның өлшемі — 5090×2061×1952 мм. Дөңгелек базасы — 3 метр, клиренсі — 255 мм. Tank 700 тереңдігі 900 мм өткелден өте алады.
Tank 700 нарыққа 523 ат күшіне ие (800 Нм) 3 литрлік V6 базасындағы гибрид күштік құрылыммен шығады. Мотордың толық қуатын 9 сатылы автомат қорабы мен ось аралық дифференциал бұғаттағышы бар толық жетек жүйесі арқылы сезінуге болады. Алғашқы жүздікті 5 секундта еңсереді, максимал жылдамдығы сағатына — 190 км.
Көліктің жабдықтар тізіміне былғарымен қапталған салон, цифрлы аспаптар панелі және проекциялы дисплеймен үйлесетін үлкен орталық экран, екі сымсыз қуаттағыш, 16 динамикті Harman/Kardon акустикасы кіреді. Алдыңғы екі орындық электр күшімен реттеледі, ал жылыту, желдету және массаж функциясы екі қатарда да болады.
Болашақта Tank 700 кіші 500 моделі сияқты электрлі моторы жоқ жай қозғалтқышпен жарық көреді. Оны сертификаттап қойыпты. Ондағы V6 басқа модельдер сияқты 360 ат күшін береді. Бензиндік Tank 700-дің сатыла бастайтын күні әлі белгісіз.
Комментариев: 0