BYD компаниясы мен Shell жанармай концерні электрокарға арналған әлемдегі ең ірі қуаттау бекетін ашты. Онда бір уақтта 258 машинаны қуаттауға болады.
Shell Recharge деп аталатын бекет BYD штаб-пәтері орналасқан Шэньчжэнь қаласы әуежайының маңында ашылды.
Shell компаниясы бекет қазір тәулігіне 3.3 мың электромобильге қызмет көрсете алатынын хабарлады. Болашақта бұл көрсеткіш артады.
Өңірдегі электр желісіне тым ауыр жүктеме түсірмеу үшін қуаттау бекеті күн батареясымен жабдықталған. Олар 300 мың кВт.сағ электр энергиясын өндіре алады.
Мамандар мұндай ірі бекеттің ашылуы электрокар санының артып келе жатқанын білдіртінін айтты. Мұндай машиналар нарықта маңызды орынға ие болып отыр.
Биыл жазда АҚШ-та әлемдегі ең үлкен жанармай құю бекеті ашылды. 7 мың шаршы метрге жуық аумақта жанармай құятын 120 құрылғы орнатылған. Ал Tesla болашақта қуаттау бекеті, мейрамхана және ашық аспан астындағы кинотеатрды қамтитын нысан салуды жоспарлап отыр.
Комментариев: 0