Қытай нарығына жаңарған Zeekr 001 шықты

Zeekr жаңарған 001-ге алдын ала тапсырыс қабылдай бастады. Сонымен қатар бағасы, жабдықтар тізімі, батарея сипаттамасы сияқты ақпарат белгілі болды. Жаңа өнім қуаттырақ және жылдамырақ, бірақ құны өзгермеді.

Жаңа электрокардың энергиямен жарақталуы туралы бұған дейін айтылған еді. Көлік 800 вольтты архитектураға ауысты, сол себепті жаңа қозғалтқыш орнатуға мүмкіндік пайда болды. Базалық нұсқасы 001 FR-ден 421 ат күші бар агрегат алды және алғашқы жүздікті 5.9 секундта еңсереді. Екі моторлы нұсқасы алдыңғы осьте тұратын 367 ат күшіне ие қосымша қозғалтқышпен жабдықталды. Мұндай Zeekr 001 алғашқы жүздікті 3.3 секундта алады.

1 / 14

• 
• 
• 
• 
• 
• 
• 
• 
• 
• 
• 
• 
• 
• 

1 / 14

Компания электромобильді 95 киловаттық литий-темір фосфатты және 100 кВт⋅сағ NMC батареямен ұсынады. Қозғалтқыш пен аккумулятор үйлесіміне қарай жаңарған 001-дің жүріс қоры 675-750 шақырымға жетеді. Жүріс қорын қуатты станцияда 10-нан 80 %-ға толтыру үшін бірінші батареяға 11.5 минут кетсе, екіншісінде ол 15 минутқа дейін өседі. Zeekr 60 кВт-қа дейін басқа электромобильді қуаттай алады.

Бренд 001-дің сыртқы келбетін үздік 001 FR стилінде өзгертіп, жаңа Olive Green түсін қосты. Салон архитектурасы сақталған, бірақ Zeekr әрлеу материалдары жақсарғанын, жаңа рөл және 15.6 дюймдік орталық экранмен үйлесетін оңтайланған аспаптар панелін орнатқанын атап өтті. Медиажүйе Snapdragon 8295 чипімен жұмыс істейді. Басқа жаңартуға 28 динамигі бар жетілген Yamaha аудиожүйесі (кейбіреуі бас тірегіште тұрады) және 10 тәуелсіз сегменттен тұратын электр хромды шатыр кіреді.

1 / 17

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 17

Модель 35.5 дюймдік проекциялы дисплеймен, бәсеңдетуді үздіксіз басқару жүйесі бар екі камералы пневмоаспамен, жетілген автопилот және опция ретінде фаркоппен жабдықталады. Электрокар салмағы екі тоннаға дейінгі тіркемені сүйрей алады.

Қытайда базалық нұсқасы 269 мың юань (16.75 млн теңге) тұрады. Ол 100 киловатт батареясы бар артқы жетекті және 95 кВт⋅сағ аккумуляторы бар толық жетекті нұсқалары. Ең қымбат түрінің құны 329 мың юань болады. 272 ат күші және 100 киловатт батареясы рестайлингке дейінгі Zeekr 001-дің құны дәл осындай болған, ал 31 наурызға дейін тапсырыс берсеңіз, компания 10 000 юань жеңілдік жасайды. Наурыз бойы кейбір қымбат опция (мысалы, 20 мың юань тұратын 22 дюймдік дөңгелектер) бірқатар комплектацияда тегін болады.