«Сонатадан» кіші «Мистра» созыңқы шассиге негізделген. Жаңа көлік — Sonata-ның анағұрлым қолжетімді баламасы. Ол электрлі және бензинді нұсқада шығарылады.
Бензинді машина 143 ат күшіне ие 1.8 литрлік қозғалтқышпен және 170 ат күшін беретін 1.5 литрлік турбомотормен ұсынылады. Олар 6 диапазонды қораппен не 7 сатылы роботпен жұмыс істейді. Ал электрлі көлік 183 ат күшін беретін мотормен жабдықталады. Оның жүріс қоры 520 шақырымға жетеді.
Интерьері өзінен үлкен модельді еске салады. Салонда цифрлы аспаптар панелі мен сенсорлы мультимедиа экраны көзге түседі. Климат баптайтын блок та сенсорлы.
Hyundai Mistra-да стандартты және опция түріндегі құрылғылар саны аз, бағасы да Sonata-дан арзан. Биыл таныстырылатын көлік келер жылдың басында сатыла бастайды.
Комментариев: 0