Кейінгі бір жарым жылда әлемдік деңгейдегі ірі автоөндірушілер Ресейден кетіп қалды. Қазір елде АВТОВАЗ бен Қытай маркалары ғана қалды, Forbes басылымы аспан асты елінің компаниялары қазір рекордтық деңгейде табыс тауып жатқанын хабарлады.
Басылым Ресейде ресми жұмыс істейтін жеті брендтің сауда нәтижесін жариялады. 2022 жылдың аяғында олардың жалпы кірісі 2021 жылмен салыстырғанда екі есе өсіп, 346 млрд рубльге жеткен.
Қытай компаниялары 2021 жылы 4 млрд рубль шығынға ұшыраса, 2022 жылы 79 млрд рубль пайдаға кенелді. Салыстыру үшін айтсақ, 2021 жылы BMW, Mercedes-Benz, Volkswagen, Hyundai және Kia маркалары Ресей нарығында дәл осындай табыс тапқан.
Былтыр Ресей нарығында Chery-дің саудасы қызды (29.8 млрд рубль). Екінші орында — Haval (28 млрд), үшінші орында Geely (16.8 млрд) тұр. Forbes тізіміне бұлардан бөлек JAC, Changan, FAW және Dongfeng енді, соңғысының табысы 0.3 млрд рубль болды.
Мамандар Қытай өндірушілері Ресей нарығында өзге балама болмағандықтан пайдаға кенеліп жатыр деп санайды. Қазір елде басқа шетелдік брендтер жоқ.
2023 жылы Қытай маркалары бұдан да көп пайда табуы мүмкін. Биыл алғашқы жарты жылда Ресейде ең көп өткен 3 шетелдік бренд — Chery, Haval және Geely. АВТОВАЗ көліктері ғана олардан көп өтті. Ресей Қытай автомобильдерін ең көп импорттайтын ел атанып отыр. Биыл Қытайдан Ресейге кірген жеңіл көлік саны жеті есе өсіпті.
Комментариев: 0