Бұрынғы Nissan зауыты АВТОВАЗ-дың меншігіне өткен соң онда FAW Bestune T77 кроссовері шығатыны белгілі болды. Ішінара өзгерген машина Lada X-Cross 5 деп аталады және 14 маусымда конвейерге тұрады. Кейінірек оған кем дегенде бір FAW кроссовері қосылады. Әңгіме Bestune T55 жайлы болып отыр.
АВТОВАЗ бұнымен тоқтамақ емес. «Прайм» басылымы компания презентациясына сілтеме жасап, қытайлық модельдер 2024 жылға қарай Тольятти мен Ижевскідегі зауытта да шығатынын хабарлады. Бірақ концерн нақты қандай бренд Lada-ға айналдыратынын нақтылаған жоқ.
Компания жеке модельдік топтамасын да ұмыт қалдырмайды. 2025 жылы Lada Granta-ның жаңа буыны жарық көреді. Оған дейін Lada Niva Legend жаңарады. Бірақ ауыз толтырып айтатын өзгеріс күтудің керегі жоқ. АВТОВАЗ басшысы Максим Соколов «Коммерсантъ» газетіне берген сұхбатында 1.7 литрлік агрегатты бұған дейін Granta мен Vesta-ға орнатқан 90 ат күшіне ие 1.6 литрлік, 8 клапанды қозғалтқышқа ауыстырғысы келетінін растады.
Комментариев: 0