2010-жылдардың басынан бері Қытай билігі электрокар саласын дамытуға күш салып, «жаңа энергия» көлігін шығаратын өндірушілерді қаржылай қолдады, қызметтік және коммуналдық автопаркті электромобильге толтырды. Халықты электрокар алуға ынталандыру үшін автомобиль құнының
2022 жылы субсидия көлемі 30 % қысқарды. Жеке клиенттерге берілетін жеңілдікті сақтап қалғанмен, 30 мың юаньнан (~2.2 млн теңге) аспайтын болды. Билік бұдан да біртіндеп бас тартуды көздеп отыр.
2026 жылғы 1 қаңтардан бастап электромобиль мен гибрид алушыларға арналған салық жеңілдігі екі есе қысқарып, 15 мың юаньға түседі. Машинаға қойылатын талап та күшейеді: мысалы, гибрид электр қуатымен кем дегенде 100 шақырым жүре алуы керек.
Халық алдын ала хабардар болған, бірақ жаңалық жұрт арасында дүмпу туғызды деп жазды CarNewsChina. Себебі Қытай автоконцерндері клиенттен айырылмау үшін өздері салық төлеп жатыр, бірақ бұл бағдарлама биыл жыл аяғына дейін тапсырыс берген клиенттерге ғана қатысты.
Қытай автомобиль дилерлері ассоциациясы хабарлағандай, билік салық саясатын қаржылық себеппен ғана емес, стратегиялық мақсатқа сай өзгертті. Шенділер сегменттің баға соғысынан бас тартып, сапа мен технология жағынан бәсекеге түскенін қалайды.
Айта кетейік, Қытайдан өзге елдер де EV нарығын еркін дамуға жіберіп жатыр. Мысалы, 30 қыркүйектен бастап АҚШ үкіметі жаңа және жүрген электрокар сатып алғанда берілетін федералды салық жеңілдігін алып тастады, бұрын оның көлемі 7500 және 4000 доллар болған.
Комментариев: 0