Ел билігі Еуроодақтың Қытайдан электрокар импорттауға салынатын кедендік баж салығын көтеру туралы шешіміне жауап ретінде өздерінің протекционистік шарасын енгізуде. Reuters агенттігі хабарлағандай, Қытай билігі нарықтың басқа салаларына соққы беруді шешті. Атап айтқанда, Қытайға Франциядан алкоголь жеткізуді қиындату жоспарланып отыр. Ал көлік құралына қатысты баж мөлшерлемесін өзгерту әлі талқыланып жатыр.
Бұл өзгерістен Hennessy және Remi Martin брендтері зиян шегуі мүмкін, себебі жаңа кеден саясаты бренди мен коньяк өнімдеріне әсер етеді. Қытайдың ресми жауабы Еуроодақтың ұстанымын қайталайды: жергілікті өндірушілерді қорғау қажет.
Францияның Қытайдан келетін электрокарға шектеу қою шарасын белсенді қолдауынан алкоголь нарығына соққы бағытталғаны анық. Қытай билігі ең сезімтал саланы таңдап отыр. Былтыр елге Франциядан 1.7 млрд долларға алкоголь өнімдері кірген. Франция концерндері аспан асты еліндегі импортталған премиум алкоголь нарығының
Франция Сауда министрлігі Қытайдың бұл шарасы еркін сауда қағидатына қайшы келеді және олар Дүниежүзілік сауда ұйымында дауласатындарын мәлімдеді. Алайда Қытай бұнымен шектеліп қоймай, ЕО-дан шошқа еті мен сүт өнімдерін жеткізуге қатысты осындай шектеу енгізу мәселесін де қарастыруда.
Қытай қозғалтқыш көлемі үлкен автомобиль жеткізуге қатысты шара қабылдауды ойластырып жатыр. Бұл жағдайда елдегі премиум автокөлік сататын неміс және италиялық өндірушілерге шектеу қойылады. Былтыр Германиядан Қытайға қозғалтқыш көлемі 2.5 литр және одан асатын 1.2 миллиард долларға машина келген. Қытай билігі жергілікті кәсіпорындардың заңды құқықтары мен мүдделерін қорғау үшін шаралар қабылдау қажеттігін тағы мәлімдеді.
Комментариев: 0